『舊情復熾』
Comments Off on 『舊情復熾』一個關於『舊情復熾』的分享💖
適逢今日係地藏菩薩聖誕大日子，想同兩位娘娘分享一件美事，希望分享令更多有緣人對佛菩薩、祭祖、能量治療產生信心，為自己人生行一條更好嘅路。 今年見完Ada後隨即開始誦經、懺悔、法會超渡、抄經、修身口意等功課，中間遇到唔少困難（而家知道係排毒反應）, 懷疑過想過放棄，但每次都受到啟發娘娘們節目中嘅分享繼續堅持做功課。
跟住有緣同Elizabeth娘娘見面，佢亦為我tune能量，提醒我可以抄經繞佛塔，兩位娘娘喺我迷茫時灰心時亦騰出寶貴時間為我解答疑難，十分感恩🙏🏻❤️
做咗一排功課後，突然想念地藏經，就開始每日念一部，不求什麼，純粹迴向怨親債主，希望佢哋好，藉住地藏菩薩嘅力量佢哋能夠得生善處（感恩兩位娘娘不斷提醒正確心態）。
然後有一日，前夫主動搵番我（呢個係我以前求都求唔到嘅嘢）， 因為佛菩薩嘅加持力，及了解多咗因果，我變得臣服於因果，用平常心面對佢，我哋經過坦誠溝通同相處後，正式復合🙏🏻🥰
感恩佛菩薩加持、祖先看顧，佢會主動陪我食素，好多嘢都有商有量，亦願意同我一齊做功德🙏🏻 感恩佛菩薩感恩祖先加持眷顧及Ada Elizabeth兩位娘娘相助 祝各位有緣人生活美滿、福慧增長🙏🏻❤️